خیبر پختونخوا کے ضلع لکی مروت میں بس لوٹ لی گئی، اس دوران ڈاکو مسافروں سے نقدی اور موبائل فون لے اڑے۔
پولیس ذرائع نے بتایا کہ دلوخیل پھاٹک کے قریب بنوں سے لاہور جانی والی بس کو نامعلوم ڈاکوؤں نے اسلحے کے زور پر لوٹ لیا، ڈاکوؤں نے بس میں سوار تمام مسافروں سے موبائل فون، نقدی اور دیگر سامان چھین لیا۔
مسافروں نے بتایا کہ سات آٹھ ڈاکوؤں نے اسلحہ کے زور پر بس کو روکا اور تمام مسافروں کو یرغمال بنا کر لوٹ لیا، رقم اور دیگر سامان نہ دینے پر مسافروں کو تشدد کا نشانہ بھی بنایا گیا۔