راولپنڈی کے علاقے دھمیال میں کمسن بچی کے کانوں سے بالیاں نوچنے کے واقعے میں پولیس نے اہم پیش رفت کرتے ہوئے ملزم کو گرفتار کرلیا۔
پولیس کے مطابق واقعہ دو روز قبل پیش آیا تھا، جس میں ایک شخص نے کمسن بچی کے کانوں سے بالیاں نوچ لیں۔ واقعے کی ویڈیو سوشل میڈیا پر وائرل ہونے کے بعد پولیس نے فوری کارروائی کرتے ہوئے ملزم کی شناخت کی۔
پولیس نے ملزم کو دھمیال میں واقع اس کے گھر سے گرفتار کیا۔ پولیس حکام کا کہنا ہے کہ ملزم سے مزید تفتیش جاری ہے جبکہ واقعے سے متعلق قانونی کارروائی مکمل کی جا رہی ہے۔
پولیس نے شہریوں کو یقین دہانی کرائی ہے کہ بچوں کے خلاف جرائم میں ملوث عناصر کے ساتھ کوئی رعایت نہیں برتی جائے گی۔