پاکستان کی آئی سی سی ٹی ٹوئنٹی ورلڈ کپ میں شرکت کے حوالے سے وزیر اعظم اور چیئرمین پی سی بی کے درمیان ملاقات ہوئی۔
چیئرمین پی سی بی محسن نقوی نے وزیراعظم شہباز شریف کو آئی سی سی کے معاملات پر بریفنگ دی، وزیراعظم نے معاملہ حل کرنے کی ہدایت کی جبکہ تمام آپشنز کھلے رکھنے پر اتفاق کیا گیا۔
وزیراعظم کو بتایا گیا کہ پاکستان کی جانب سے بنگلادیش کے مؤقف کی بھرپور حمایت کی گئی، پاکستان نے بنگلا دیش کا کیس دنیا بھر میں بھرپور انداز میں پیش کیا۔
ذرائع کا کہنا ہے کہ بنگلا دیش کو ورلڈ کپ سے باہر کیے جانے پر آئی سی سی سے بھرپور احتجاج کا فیصلہ کیا گیا ہے اور پاکستان آئی سی سی کو بذریعہ خط اپنا احتجاج ریکارڈ کرائے گا۔
دوسری جانب چیئرمین پی سی بی نے ٹوئٹ کیا ہے جس میں ان کا کہنا ہے کہ ٹی 20 میں شرکت کا حتمی فیصلہ جمعہ یا پیر کو ہوگا۔