آسٹریلوی کپتان مچل مارش نے لاہور پہنچنے کے بعد گفتگو کرتے ہوئے کہا کہ پاکستان آکر خوشی ہورہی ہے، امید ہے ورلڈکپ کی اچھی تیاری ہوگی۔
انھوں نے کہا کہ پاکستان کی فاسٹ بالرز کی بڑی تاریخ ہے، شاہین آفریدی بہترین بالر ہیں اور ہمارے کئی چیلنج ہوں گے، یہاں آنے سے پہلے زیادہ گرم کپڑے نہیں رکھے، اندازہ نہیں تھا کہ یہاں موسم اتنا ٹھنڈا ہوگا۔
آسٹریلوی کپتان نے کہا کہ ورلڈکپ کی تیاری کیلیے یہ سیریز بہت اہم ہے، کچھ کھلاڑی ہمارے ساتھ اس سیریز کیلیے نہیں آئے لیکن امید ہے وہ ہمیں سری لنکا میں جوائن کریں گے۔
ان کا کہنا تھا کہ بابر اعظم بہت لمبے عرصے سے بہترین کھلاڑیوں میں شمار ہوتے ہیں، ہم بابر اعظم کی بطور کھلاڑی عزت کرتے ہیں۔
مچل مارش نے مزید کہا کہ پلیئنگ الیون کے حوالے سے فیصلہ کل کریں گے، ان کنڈیشن میں کھیلنا آسان نہیں ہوگا، اہم سیریز کیلیے بہت پرجوش ہیں، ہم اسپنرز کے خلاف کنڈیشن کو دیکھ کر اٹیک کرنے کی کوشش کریں گے۔