آسٹریلوی سپر اسٹار گلین میکسویل نے پاکستان سپر لیگ سیزن 11 کھیلنے سے معذرت کرلی۔
ذرائع کے مطابق گلین میکسویل نے نجی مصروفیات کی وجہ سے پی ایس ایل کھیلنے سے معذرت کی ہے، فرنچائزز نے آئی پی ایل آکشن میں پک نہ ہونے پر گلین میکسویل سے پی ایس ایل کھیلنے پر رابطہ کیا تھا۔
ذرائع کا کہنا ہے کہ پی ایس ایل پلیئرز منیجمنٹ نے بھی گلین میکسویل سے رابطہ کیا تھا، تاہم میکسویل نے فرنچائز سے گفتگو کرتے ہوئے کہا کہ پی ایس ایل کھیلنا چاہتا تھا لیکن اہلِخانہ کے ساتھ وقت گزارنے کیلیے کرکٹ سے بریک لی ہے۔
ذرائع کے مطابق گلین میکسویل نے کہا کہ اہلِخانہ سے مشورہ کیا ہے انھوں نے بھی کرکٹ سے بریک لینے کا کہا ہے۔
ذرائع کے مطابق پلیئرز منیجمنٹ اور فرنچائزز ڈائریکٹ سائنگ کیلیے اسٹیو اسمتھ، جونی بیرسٹو، جوئے روٹ سمیت مزید دیگر آسٹریلوی اور انگلش کھلاڑیوں کے ساتھ رابطے میں ہیں۔
یاد رہے کہ ہر فرنچائز پی ایس ایل 11 کیلیے ایک ایک غیر ملکی کھلاڑی کی ڈائریکٹ سائنگ کرسکتی ہے۔