سری لنکن کرکٹ بورڈ نے آخرکار بنگلادیش اور بھارت کے درمیان ورلڈ کپ کو لے کر تنازعے پر خاموشی توڑ دی۔
سری لنکن بورڈ کے سیکریٹری بندولہ دسا نائیکے نے ایک بیان میں واضح کردیا کہ سری لنکا کے بھارت، پاکستان اور بنگلادیش تینوں کے ساتھ اچھے تعلقات ہیں اس لیے وہ کسی علاقائی تنازع میں پڑنا نہیں چاہتا۔ انہوں نے کہا کہ ایسے حالات میں سری لنکا نے بہتر سمجھا کہ وہ غیر جانبدار رویہ اپنائے۔
انہوں نے کہا ائندہ کوئی بھی ملک سری لنکا میں میچز یا ٹورنامنٹ کی میزبانی سری لنکا کو دینا چاہتا ہے تو وہ اس پر غور کریں گے۔ انہوں نے کہا کہ سری لنکا کی اس وقت ترجیح ہے کہ جو ورلڈ ٹی ٹوئنٹی کپ کے میچز سری لنکا میں ہونے ہیں وہ بہترین طریقے سے کھیلے جائیں۔
انھوں نے کہا کہ بھارت اور پاکستان کے درمیان 15 فروری کو ہونے والے میچ کے لیے خصوصی سیکیورٹی انتظامات کیے گئے ہیں اور ورلڈ کپ بہترین طریقے سے منعقد ہوگا۔