مری روڈ پر ایک ٹک ٹاکر کو خطرناک ویڈیو بنانے کے دوران گرفتار کر لیا گیا، جس میں وہ بغیر ڈرائیور کے چلتی ہوئی جیپ سے ویڈیو بناتا دیکھا گیا۔ ویڈیو میں ٹک ٹاکر کمیٹی چوک کے قریب گاڑی کے ساتھ چلتے ہوئے انتہائی خطرناک انداز اختیار کر رہا تھا۔
واقعے پر چیف ٹریفک آفیسر (سی ٹی او) فرحان اسلم نے فوری نوٹس لیتے ہوئے ڈی ایس پی راجہ خرم کو ملزم کو گرفتار کرنے کی ہدایت کی۔ گرفتار ملزم کی جیپ بھی تحویل میں لے لی گئی ہے۔
سی ٹی او فرحان اسلم نے کہا کہ ملزم کے خلاف قانونی کارروائی اور مقدمہ درج کیا جا رہا ہے تاکہ شہریوں کی جان و مال کو لاحق خطرات کو کم کیا جا سکے۔