چوتھی نیشنل ایچیسن اتھلیٹکس چیمپئن شپ ایچیسن کالج لاہور میں منعقد ہوئی، جس میں پاکستان کے تمام صوبوں اور ڈیپارٹمنٹس کے 60 اتھلیٹس نے حصہ لیا۔
مینز 100 میٹر ایونٹ میں واپڈا کے علی احمد نے 10.40 سیکنڈ میں مقررہ فاصلہ طے کر کے تیز ترین اتھلیٹ کا اعزاز حاصل کیا۔ واپڈا کے ہی سمیع اللہ دوسرے اور گوہر شہباز تیسرے نمبر پر رہے۔
ویمن 100 میٹر میں واپڈا کی فائقہ ریاض نے 12 سیکنڈز میں فاصلہ طے کر کے تیز ترین خاتون اتھلیٹ کا اعزاز حاصل کیا، جبکہ خولہ عمر خان دوسرے اور سنینا مصور تیسرے نمبر پر رہیں۔
چیمپئن شپ میں ملک بھر کے بہترین اتھلیٹس نے حصہ لے کر مقابلے کو دلچسپ اور سنسنی خیز بنایا۔