یوم یکجہتی کشمیر پر پنجاب کے تمام ڈویژنز اور ڈسٹرکٹس میں اسپورٹس کے مقابلے ہوں گے۔
اسپورٹس ڈیپارٹمنٹ پنجاب کے زیر اہتمام فٹ بال، ہاکی اور تائی کوانڈوکے مقابلے کروائے جائیں گے، نیشنل ہاکی اسٹیڈیم لاہور میں یکجہتی کشمیر ریلی کا انعقاد بھی ہوگا۔
سیکریٹری اسپورٹس پنجاب محمد علی اور ڈی جی اسپورٹس پنجاب خضر افضال چوہدری ریلی کی قیادت کریں گے۔
کشمیر ریلی میں اسپورٹس سے وابستہ شخصیات، کھلاڑی اور اسپورٹس ڈیپارٹمنٹ پنجاب کے ملازمین کی بڑی تعداد شریک ہوگی۔
کشمیر بھائیوں سے یکجہتی کیلیے پنجاب کے تمام ڈسٹرکٹ میں ریلیوں کا انعقاد ہوگا۔