پاک بھارت میچ سب سے زیادہ منافع بخش ہے، امید ہے مسئلہ بات چیت سے حل ہوگا، روی چندرن

بھارت کے مایا ناز اسپنر روی چندرن اشون نے پاکستان کو سات فروری سے شروع ہونے والے آئی سی سی ٹی 20 ورلڈ کپ کی ایک بہت خطرناک ٹیم قرار دے دیا ہے۔ انہوں نے کہا کہ پاکستان کے پاس اس ایڈیشن میں بہترین ٹیم، مضبوط اسپنرز اور فاسٹ بالر ہیں اور سلمان علی آغا کی قیادت میں ٹیم انتہائی متحد نظر آ رہی ہے۔

اشون نے ایک پوڈکاسٹ میں کہا کہ ٹی 20 میں جیت کے لیے جو ہتھیار ضروری ہیں، وہ سب پاکستان کے پاس موجود ہیں اور کوچ اور کپتان انہیں مؤثر طریقے سے استعمال کرنا بھی جانتے ہیں۔

بھارت کے خلاف پاکستان کے میچ نہ کھیلنے کے فیصلے پر اشون نے امید ظاہر کی کہ پاکستان یہ فیصلہ جلد تبدیل کر دے گا۔ انہوں نے کہا کہ پاکستان-بھارت میچ ورلڈ کپ میں سب سے اہم اور مالی اعتبار سے سب سے منافع بخش ہوتا ہے اور اگر بات چیت سے مسئلہ حل نہ ہوا تو نہ صرف پاکستان بلکہ دیگر ٹیمیں، آئی سی سی اور براڈکاسٹرز بھی مالی نقصان کا شکار ہوں گے۔

اشون نے مزید کہا کہ معاملہ حل نہ ہونے کی صورت میں آئی سی سی اور دیگر ممبر بورڈز تعدیبی کارروائی کے ذریعے پاکستان سپر لیگ کو بھی نقصان پہنچا سکتے ہیں۔