پاکستان کے دورے پر آئے ہوئے سابق عالمی باکسنگ چیمپئن عامر خان آج کراچی پہنچ گئے۔ شہر قائد میں آمد کے بعد انہوں نے حضرت عبداللہ شاہ غازی کے مزار پر حاضری دی۔
پاکستانی نژاد سابق چیمپئن نے کلفٹن کے ساحل پر واقع مزار پر چادر چڑھائی، پھول نچھاور کیے اور فاتحہ خوانی کی۔ عامر خان نے پاکستان کے استحکام اور خوشحالی کے لیے خصوصی دعا بھی کی۔
مزار کے مختلف حصوں کا دورہ کرتے ہوئے عامر خان کو سندھ کی روایتی اجرک پیش کی گئی۔
قبل ازیں، عامر خان نے پاکستان کی بہادر مسلح افواج کے ساتھ محبت، احترام اور یکجہتی کا اظہار کرنے کے لیے واہگہ بارڈر کا بھی دورہ کیا تھا۔