لاہور میں بسنت کا باقاعدہ آغاز ہو گیا ہے اور اس موقع پر قومی کرکٹر حسن علی بھی پتنگ بازی کے رنگوں میں رنگ گئے۔
سوشل میڈیا پر وائرل ہونے والی ویڈیو میں حسن علی کو گڈا اڑاتے اور پتنگ کے پیچے کرتے دیکھا جا سکتا ہے، جبکہ ان کی اہلیہ سامعہ حسن بھی پتنگ بازی سے لطف اندوز ہوتی نظر آ رہی ہیں۔
ویڈیو میں حسن علی کی خوش مزاجی اور جوش و خروش دیکھنے والوں کے لیے خاص دلچسپی کا باعث بن رہا ہے اور شائقین نے سوشل میڈیا پر ان کے اس لطف بھرا انداز کی بھرپور تعریف کی ہے۔
بسنت کے اس موقع پر لاہور کی فضائیں رنگ برنگی پتنگوں سے سج گئی ہیں اور شہریوں نے موسم بہار کا بھرپور استقبال کیا ہے۔