عالمی منڈی میں ایران اور امریکا کے درمیان مذاکرات کے انعقاد سے قبل خام تیل کی قیمتوں میں واضح کمی دیکھنے میں آئی ہے۔
ذرائع کے مطابق برطانوی خام تیل ایک اعشاریہ پانچ نو ڈالر فی بیرل کم ہو کر 67.87 ڈالر فی بیرل پر آ گیا جبکہ امریکی خام تیل کی قیمت ایک اعشاریہ پانچ ایک ڈالر کمی کے بعد 63.63 ڈالر فی بیرل ہو گئی۔
ٹریڈنگ سیشن کے دوران ایک موقع پر دونوں بینچ مارک خام تیل کی قیمتوں میں 3 فیصد سے زائد کمی ریکارڈ کی گئی جس کی وجہ ایران-امریکا مذاکرات سے پیدا ہونے والے عالمی مارکیٹ کے متوقع اثرات اور سرمایہ کاروں کی محتاط حکمت عملی بتائی جا رہی ہے۔