انکم ٹیکس گوشوارے جمع کرانے کی آج آخری تاریخ ہے جس کے بعد تاخیر سے ریٹرن فائل کرنے والوں پر بھاری جرمانے عائد کیے جائیں گے۔
ذرائع کے مطابق یکم اکتوبر سے لیٹ فائلر کی کیٹگری ختم کی جارہی ہے۔ تاخیر سے گوشوارے جمع کرانے پر جرمانہ ایک ہزار سے بڑھا کر 25 ہزار روپے تک کیا جائے گا۔
ذرائع کے مطابق لیٹ فائلر اے او پی کا جرمانہ 10 ہزار سے بڑھا کر 50 ہزار روپے جبکہ کمپنیوں کے لیے جرمانہ 20 ہزار سے بڑھا کر ایک لاکھ روپے کیا جائے گا۔
ایف بی آر کے ترجمان کے مطابق ٹیکس ریٹرنز کے ساتھ متعلقہ دستاویزی ثبوت بھی فراہم کرنا ضروری ہے۔ اثاثوں سے متعلق غلط یا پوشیدہ معلومات دینے پر کارروائی ہوسکتی ہے جبکہ واجب الادا رقم کی وصولی کے لیے بینک اکاؤنٹس سمیت دیگر ذرائع بھی استعمال کیے جاسکتے ہیں۔