پاکستان اسٹاک ایکسچینج میں آج کاروبار کا اختتام مثبت رجحان کے ساتھ ہوا تاہم آخری گھنٹے میں فروخت کے دباؤ نے مارکیٹ کی تیزی محدود کردی۔
کاروباری دن کا آغاز 441 پوائنٹس کی تیزی سے ہوا جبکہ دورانِ ٹریڈنگ ہنڈریڈ انڈیکس میں 1892 پوائنٹس تک کا اضافہ بھی ریکارڈ کیا گیا۔
تاہم مارکیٹ میں 170 ہزار اور 171 ہزار پوائنٹس کی دونوں حدیں بحال ہونے کے باوجود برقرار نہ رہ سکیں۔
کاروبار کے اختتام پر ہنڈریڈ انڈیکس 369 پوائنٹس اضافے سے 169,969 پوائنٹس پر بند ہوا۔