سعودی عرب میں ورلڈ بینک کی ایم ڈی اینا بجرڈے سے ملاقات کے دوران وفاقی وزیر خزانہ محمد اورنگزیب نے پاکستان کی جانب سے قریبی تعاون کے عزم کا اعادہ کیا۔ یہ ملاقات سالانہ الولا کانفرنس برائے ابھرتی ہوئی معیشتیں کے موقع پر ہوئی، جس میں پاکستان کے کنٹری پارٹنرشپ فریم ورک اور ترقیاتی ترجیحات پر تفصیلی بات چیت کی گئی۔
ملاقات میں توانائی، تعلیم، صحت، موسمیاتی تبدیلیاں اور مالیاتی اصلاحات جیسے شعبوں پر گفتگو ہوئی۔ اینا بجرڈے نے پروگرام کے موثر عمل درآمد اور ترقیاتی اثرات کو زیادہ سے زیادہ کرنے کی اہمیت پر زور دیا۔
وفاقی وزیر خزانہ نے کہا کہ بہتر کوآرڈینیشن اور بروقت عملدرآمد کے لیے صوبائی حکومتوں کے کردار اور تعاون ناگزیر ہے، اور متعلقہ وفاقی وزارتیں اس عمل میں مکمل تعاون کریں گی۔