آئی سی سی مینز ٹی ٹوئنٹی ورلڈ کپ کے سلسلے میں قومی کرکٹ ٹیم نے کولمبو کرکٹ کلب میں بھرپور پریکٹس سیشن کیا۔
پریکٹس سیشن کے دوران کھلاڑیوں نے کوچز کی نگرانی میں بیٹنگ اور باؤلنگ کی مشقیں کیں جبکہ نیٹ پریکٹس سے قبل فزیکل فٹنس اور فیلڈنگ ڈرلز میں بھی بھرپور حصہ لیا۔ ٹیم منیجمنٹ کی جانب سے کھلاڑیوں کی فٹنس اور تیاری پر خصوصی توجہ دی گئی۔
قومی ٹیم گروپ اسٹیج کا دوسرا میچ کل امریکا کے خلاف کھیلے گی۔ پاکستان اور امریکا کے درمیان یہ مقابلہ مقامی وقت کے مطابق شام 7 بجے ایس ایس سی اسٹیڈیم میں شروع ہوگا۔