ایف آئی اے سرکل فیصل آباد نے چھاپے کے دوران غیر قانونی ٹریول ایجنسی چلانے اور عمرہ ویزہ فراڈ کرنے والے تین ملزمان کو گرفتار کرلیا۔
گرفتار کیے جانے والے ملزمان کی شناخت فیصل علی، قاسم عباس اور فیصل سلیم کے نام سے ہوئی۔
ڈجکوٹ مین بازار فیصل آباد میں کی گئی چھاپہ مار کارروائی میں گرفتار ملزمان غیر قانونی کاروبار اور سادہ لوح افراد کو لوٹنے میں ملوث بتائے جاتے ہیں۔
ملزمان کے قبضے سے 15 پاسپورٹس، 124 بینک رسیدیں، 5 جعلی مہریں، 4 موبائل فونز، کمپیوٹر سسٹم، رجسٹرز، ڈائریاں اور لیپ ٹاپ برآمد ہوئے۔
ابتدائی تفتیش میں 6 متاثرین نے 35 لاکھ روپے کے فراڈ کی تصدیق کی، جبکہ دیگر متاثرین سے بھی بیانات لیے جارہے ہیں۔
ایف آئی اے نے گرفتار ملزمان سے تحقیقات شروع کردی ہیں اور ان کے دیگر ساتھیوں کی گرفتاری کے لیے چھاپے جاری ہیں۔