پاکستان ویمنز اے ٹیم نے ایشیا کپ رائزنگ اسٹارز 2026 کے اپنے پہلے میچ میں نیپال ویمنز کو 30 رنز سے شکست دے دی۔
پاکستان اے نے پہلے بیٹنگ کرتے ہوئے 6 وکٹوں کے نقصان پر مقررہ 20 اوورز میں 137 رنز بنائے۔ کپتان حفصہ خالد 40 رنز بنا کر ناٹ آؤٹ رہیں جبکہ وحیدہ اختر نے 23 رنز کا اہم اسکور بنایا۔
جواب میں نیپال کی ٹیم 20 اوورز میں 6 وکٹوں کے نقصان پر صرف 107 رنز ہی بنا سکی۔ پاکستان کی جانب سے لیفٹ آرم اسپنر زانوشہ ناصر نے 3 اور مومنہ ریاست نے 2 وکٹیں حاصل کیں، جبکہ وحیدہ اختر نے بھی ایک وکٹ حاصل کی۔
پاکستان ویمنز اے اپنا دوسرا میچ 15 فروری بروز اتوار کو انڈیا اے کے خلاف کھیلے گی۔