ٹی ٹوئنٹی ورلڈکپ کے گروپ میچ میں زمبابوے نے سابق ورلڈ چیمپئن آسٹریلیا کو 23 رنز سے شکست دے کر بڑا اپ سیٹ کر دیا۔
زمبابوے نے پہلے بیٹنگ کرتے ہوئے مقررہ 20 اوورز میں 169 رنز بنائے جس میں برین بینیٹ نے 64 رنز کی شاندار اننگز کھیلیں جبکہ تادیونشے مرومانی اور ریان برل نے 35، 35 رنز اسکور کیے۔ سکندر رضا نے بھی 25 رنز کی قیمتی اننگز پیش کی۔
170 رنز کے ہدف کے تعاقب میں آسٹریلیا کی ٹیم 20 ویں اوور میں 146 رنز پر آؤٹ ہو گئی۔ میٹ رنشا نے 65 رنز کی اننگز کھیلیں جبکہ گلین میکسویل نے 31 رنز اسکور کیے، لیکن باقی کھلاڑی زمبابوے کے بولرز کے سامنے ناکام رہے۔