سابق بھارتی کرکٹر اور معروف کمنٹیٹر سنجے منجریکر نے بھارتی کھلاڑیوں کی جانب سے میچ کے بعد ہاتھ نہ ملانے کے عمل پر شدید تنقید کرتے ہوئے اسے منفی اور غیر اسپورٹس مین اسپرٹ قرار دیا ہے۔
اپنے بیان میں انہوں نے کہا کہ ہاتھ نہ ملانا ایک احمقانہ حرکت ہے اور اس روایت کا آغاز بھارتی ٹیم نے کیا، جو کسی بھی صورت میں مناسب نہیں۔ انہوں نے زور دیتے ہوئے کہا کہ بھارت جیسی بڑی ٹیم کو ایسی چھوٹی حرکتوں سے گریز کرنا چاہیے۔
سنجے منجریکر کا کہنا تھا کہ کرکٹ ایک جنٹلمین گیم ہے اور اسے کھیلتے وقت اسپورٹس مین اسپرٹ کا مظاہرہ کرنا ضروری ہے۔ انہوں نے مزید کہا کہ اگر کھلاڑی کھیل کو مثبت انداز میں نہیں کھیل سکتے تو پھر انہیں کھیلنے ہی نہیں آنا چاہیے۔
ان کے اس بیان کے بعد کرکٹ حلقوں میں اسپورٹس مین اسپرٹ اور کھلاڑیوں کے رویوں پر نئی بحث شروع ہوگئی ہے، جبکہ شائقین کی جانب سے بھی مختلف ردعمل سامنے آرہا ہے۔