آر بی لیپزگ اور وولفسبرگ کی ٹیموں کے درمیان بنڈس لیگا کا اہم میچ سنسنی خیز مقابلے کے بعد 2-2 گول سے برابری پر ختم ہوگیا۔
آر بی لیپزگ کی ٹیم نے آخری لمحات میں گول کی بدولت وولفسبرگ کے خلاف میچ 2-2 گول سے ڈرا کردیا۔
اے ایف پی کی مطابق آربی لیپزگ کی جانب سے یان ڈیومینڈے اور برجن گروڈا نے ایک ایک گول اسکور کیا جبکہ وولفسبرگ کی طرف سے محمد عمورہ اور میٹیاس سوانبرگ نے ایک ایک گول اسکور کیا۔
ریڈ بل ایرینا، لیپزگ، جرمنی میں بنڈس لیگا کے کھیلے گئے میچ میں آربی لیپزگ اور وولفسبرگ کی ٹیمیں آمنے سامنے تھیں جس میں دونوں ٹیموں کے درمیان مقابلہ سخت اور سنسنی خیز رہا۔ وولفسبرگ کی جانب سے محمد عمورہ اور میٹیاس سوان برگ نے گول اسکور کیے، جبکہ لیپزگ کے لیے یان دیومانڈے نے پہلا گول کیا۔
پہلے ہاف میں لیپزگ کا کھیل حاوی رہا، مگر وولفسبرگ کے گول کیپر کامیل گرابارا کی شاندار بچا کارکردگی نے میزبان ٹیم کو برتری حاصل کرنے سے روکے رکھا۔
دوسرے ہاف کے آغاز پر وولفسبرگ کے عمورہ نے باکس کے باہر سے زبردست شاٹ کے ذریعے مہمان ٹیم کو برتری دلائی۔ تاہم 70 ویں منٹ کے قریب گرابارا کی غلط پاس پر گروڈا نے گیند دیومانڈے کو فراہم کی، جنہوں نے آسانی سے گول کر کے مقابلہ برابر کر دیا۔ آٹھ منٹ بعد ژانوئل بیلوسیان کے عمدہ پاس پر سوانبرگ نے گول کر کے وولفسبرگ کو دوبارہ برتری دلائی، مگر اختتامی لمحات میں گروڈا نے باکس میں ملنے والی ڈھیلی گیند کو خوبصورت انداز میں جال کی نذر کرکے اسکور 2-2 کر دیا۔
اس نتیجے کے بعد آر بی لیپزگ پوائنٹس ٹیبل پر چوتھے نمبر پر موجود سٹٹگارٹ سے دو پوائنٹس پیچھے اور بائر لیورکوزن سے ایک پوائنٹ آگے ہوگیا ہے، اگرچہ لیورکوزن کے پاس ایک میچ باقی ہے۔