پاکستان کی خواتین کی اے ٹیم نے ایشیا کپ رائزنگ سٹار ٹورنامنٹ میں سیمی فائنل میں جگہ بنالی۔ آج بینکاک میں کھیلے گئے میچ میں پاکستان نے یو اے ای کی ٹیم کو نو وکٹ سے شکست دی۔
یو اے ای نے پہلے بیٹنگ کرتے ہوئے صرف 79 رنز بنائے جس کے بعد پاکستان اے ٹیم کو یہ ہدف پورا کرنے کے لیے کم از کم 15 اوورز درکار تھے۔ پاکستان نے یہ ہدف صرف 11 اوورز میں ایک وکٹ کے نقصان پر مکمل کر لیا۔ شوال ذوالفقار نے 38 رنز کی شاندار اننگز کھیل کر ٹیم کو فتح دلوائی۔
بالنگ میں انوشہ ناصر نے چار اوورز میں صرف 18 رنز دے کر تین وکٹیں حاصل کیں جبکہ کپتان حفضہ خالد نے دو اوورز میں دو کھلاڑیوں کو آؤٹ کیا۔
ٹورنامنٹ کے دونوں سیمی فائنل 20 فروری کو کھیلے جائیں گے تاہم کل فیصلہ ہوگا کہ کون سی ٹیم کس سے مقابلہ کرے گی۔