شاداب خان نے ٹی ٹوئنٹی ورلڈ کپ کے سپر ایٹ مرحلے کے دوران پریس کانفرنس میں کہا ہے کہ ان کا مقصد ورلڈ کپ جیتنا ہے اور وہ اس پراسیس پر قائم ہیں۔
شاداب خان نے کہا کہ ہم جو اچھی چیزیں کرتے آ رہے ہیں ہمیں انہیں جاری رکھنا ہو گا۔ بیٹنگ اسی طرح کرنی ہوگی اور صاحبزادہ فرحان اچھی فارم میں ہیں۔ ہم رائٹ ٹریک پر ہیں۔
انہوں نے ایک میچ کی شکست کے حوالے سے کہا کہ ہم سے غلطیاں ہوئیں جو نہیں ہونی چاہیے تھیں۔ سپر ایٹ مشکل ہو گا اور پریشر والے میچز ہوں گے۔ شاداب نے مزید کہا کہ رمضان بھی ان کے لیے ایک اضافی قوت کے طور پر کام کرے گا۔
شاداب خان نے ٹیم کی حکمت عملی اور کنڈیشنز پر بھی روشنی ڈالتے ہوئے کہا کہ ٹی ٹوئنٹی کرکٹ میں آج کل زیادہ آل راؤنڈرز ہوتے ہیں تبدیلیاں ہونا معمول کی بات ہے۔
تنقید کے حوالے سے ان کا کہنا تھا کہ یہ آپ کے ہاتھ میں نہیں ہے سابق کرکٹرز اپنی رائے دے سکتے ہیں۔ 2021 میں ہم نے انڈیا کو ورلڈ کپ میں ہرایا تھا اور وہ لیجنڈز بھی وہ نہیں کر سکے جو ہم نے کر کے دکھایا۔