فاسٹ بالر محمد عامر خان نے پاکستان کی شاہین ٹیم میں شمولیت اختیار کر لی ہے جو آج انگلینڈ لائنز کے خلاف اپنا پہلا ٹی ٹوئنٹی میچ کھیلے گی۔
ذرائع کے مطابق عامر کو علی رضا کی جگہ بھیجا گیا ہے جو سیریز سے گھٹنے کی انجری کے باعث باہر ہو گئے ہیں۔ علی رضا، جنہیں مستقبل کا ایک روشن ستارہ سمجھا جاتا ہے اب لاہور میں نیشنل کرکٹ اکیڈمی میں ڈاکٹرز کی نگرانی میں ریہیبلیٹیشن کا عمل جاری رکھیں گے۔
پاکستان شائنز کی قیادت شامل حسین کریں گے جبکہ ٹیم میں تجربہ کار کھلاڑی جیسے سفیان مقیم، الصمد، احمد دانیال، حسن نواز اور عاکف جاوید شامل ہیں۔ نوجوان ابھرتے کھلاڑیوں میں معاذ صداقت، سمیر منہاس، عرفات منہاس، سعد بیگ، سعد مسعود اور روحیل نذیر شامل ہیں۔
پاکستان انگلینڈ لائنز کے خلاف 20 فروری سے 9 مارچ تک تین ٹی ٹوئنٹی اور پانچ 50 اوورز کے میچز کھیلے گا جس میں ٹیم کی کارکردگی اور نوجوان کھلاڑیوں کی صلاحیتوں پر سب کی نظریں مرکوز ہوں گی۔