آئی سی سی مینز ٹی ٹوئنٹی ورلڈکپ میں انگلینڈ کے خلاف شکست کے بعد قومی ٹیم کے کپتان سلمان علی آغا کو شدید تنقید کا سامنا کرنا پڑ رہا ہے ۔ تاہم بعض صارفین نے تنقید کی حدود پار کرتے ہوئے اہلِ خانہ کو بھی دھمکیاں دینا شروع کر دیں۔
کپتان کی اہلیہ نے دھمکی آمیز پیغامات کے بعد سوشل میڈیا پر اسٹوری شیئر کرتے ہوئے کہا کہ مجھے یا میرے معصوم بیٹے کو گالیاں دینے سے آپ ورلڈ کپ نہیں جیت سکتے۔
سوشل میڈیا صارفین کی بڑی تعداد نے اس عمل کی مذمت کرتے ہوئے کہا ہے کہ کھیل میں جیت اور ہار معمول کا حصہ ہے تاہم کھلاڑیوں کے خاندانوں کو نشانہ بنانا کسی صورت مناسب نہیں۔