سوئی سدرن گیس کمپنی کے بورڈ آف ڈائریکٹرز نے امین راجپوت کو کمپنی کا مستقل چیف ایگزیکٹو اور مینجنگ ڈائریکٹر تین سال کے لیے مقرر کر دیا ہے۔
ذرائع کے مطابق امین راجپوت اس سے قبل کمپنی میں قائمقام ایم ڈی کے طور پر خدمات انجام دے رہے تھے۔ رواں ماہ ان کا تین سالہ کنٹریکٹ ختم ہونے پر انہیں تین ماہ کی توسیع بھی دی گئی تھی۔
بورڈ کی جانب سے منظوری کے بعد اب امین راجپوت سوئی سدرن گیس کے مستقل ایم ڈی کے طور پر اپنی ذمہ داریاں سنبھالیں گے۔