ٹی ٹوئنٹی ورلڈ کپ سپر ایٹ مرحلے کے انتہائی اہم میچ سے قبل پاکستان کرکٹ ٹیم کو بڑا دھچکا لگا ہے کیونکہ قومی ٹیم کے فاسٹ بولر سلمان مرزا کی سری لنکا کے خلاف میچ میں شرکت مشکوک ہوگئی ہے۔
ذرائع کے مطابق سلمان مرزا پریکٹس کے دوران گھٹنے میں تکلیف کے باعث سہارا لے کر میدان سے باہر گئے اور دوبارہ ٹریننگ کے لیے واپس نہیں آئے۔ ان کے جگہ نسیم شاہ کو ٹیم میں شامل کیے جانے کا امکان ہے۔
نسیم شاہ نے خواجہ نافع اور عثمان طارق کے ساتھ الگ نیٹ پر طویل پریکٹس کی تاکہ میچ کے لیے مکمل طور پر تیار رہیں۔
پاکستان اور سری لنکا کے درمیان یہ فیصلہ کن میچ آج شام ساڑھے 6 بجے شروع ہوگا جو سیمی فائنل میں جگہ بنانے کے لیے ٹیم کی تقدیر طے کرے گا۔