انگلینڈ لائنز نے پانچ میچوں پر مشتمل ون ڈے سیریز کے پہلے میچ میں پاکستان شاہینز کو یکطرفہ مقابلے کے بعد نو وکٹوں سے شکست دے دی۔ پاکستان شاہینز کی ٹیم پہلے ہی ٹی ٹوئنٹی سیریز تین صفر سے ہار چکی ہے اور اب ون ڈے سیریز کا آغاز بھی ناکامی سے ہوا ہے۔
میچ میں انگلینڈ لائنز نے پہلے پاکستان شاہینز کو 38.3 اوورز میں صرف 152 رنز پر آل آؤٹ کر دیا۔ پاکستانی بیٹنگ لائن مشکلات کا شکار رہی، جہاں صرف عبدالصمد 44 رنز اور سات خان 21 رنز کے ساتھ نمایاں رہے۔ انگلینڈ لائنز کی جانب سے کیلون ہیرسن نے تین کھلاڑیوں کو آؤٹ کیا جبکہ جیم سکول اور سنی بیکر نے دو، دو وکٹیں حاصل کیں۔
جواب میں انگلینڈ لائنز نے 153 رنز کا ہدف صرف ایک وکٹ کے نقصان پر 24.2 اوورز میں باآسانی حاصل کر لیا۔