پاکستان کرکٹ بورڈ اور انگلش کرکٹ بورڈ نے فیصلہ کیا ہے کہ ابوظہبی میں جاری پاکستان شاہینز اور انگلینڈ لائنز کی سیریز کو ختم کردیا جائے۔
پی سی بی ترجمان نے کہا کہ یہ فیصلہ دونوں بورڈز نے مشورہ کے بعد کیا ہے کیونکہ علاقے میں حالات ایسے نہیں کہ کھلاڑیوں کو اور آفیشلز کو مزید ابوظہبی میں رکھا جائے، انہوں نے کہا کہ دونوں ٹیمیں جلد سے جلد اپنے اپنے ممالک واپس چلی جائیں گی۔
یاد رہے کہ دونوں ٹیموں نے پہلے تین میچ کی ٹی ٹوئنٹی سیریز کھیلی تھی اور پانچ میچز کی ایک ون ڈے سیریز میں سے دو میچ مکمل ہوگئے تھے جب یہ فیصلہ کیا گیا کہ سیریز ختم کردی جائے، لائنز نے پہلے تو ون ڈے میچز بھی آرام سے جیت لیے تھے۔