ایف آئی ایچ ورلڈ کپ کوالیفائنگ ٹورنامنٹ: پاکستان نے سیمی فائنل میں جگہ پکی کرلی

پاکستان ہاکی ٹیم نے ایف آئی ایچ ورلڈ کپ کوالیفائنگ ٹورنامنٹ میں اپنا تیسرا میچ جیت کر سیمی فائنل میں اپنی جگہ پکی کرلی اور اب اس سال ہونے والے ورلڈ کپ کے لیے کوالیفائی کرنے کے لیے صرف ایک جیت کی دوری پر ہے۔

پاکستان نے آج ہونے والے میچ میں مصر کے شہر اسماعیلیہ میں آسٹریا کی ٹیم کو چار گول سے شکست دے دی، ٹورنامنٹ کے اپنے گروپ میں یہ پاکستان ٹیم کی تیسری مسلسل کامیابی ہے، پاکستان نے پہلے کوارٹر میں دو گول کیے اور اس کے بعد آخری کوارٹر میں بھی دو گول ڈال دیے اور آرام سے میچ جیت لیا۔

پہلے پاکستان کی ٹیم جاپان اور ملائیشیا کو بھی ہرا چکی ہے، پاکستان ٹیم جمعہ کو اگر سیمی فائنل جیتتی ہے تو 8 سال بعد وہ ورلڈ کپ کے لیے کوالیفائی کرلیں گے، اگر پاکستان ٹیم سیمی فائنل ہار بھی جاتی ہے تو پھر بھی اس کے پاس تیسری پوزیشن کا میچ جیت کر کوالیفائی کرنے کا موقع ہے۔