پاکستان کوسٹ گارڈز نے بلوچستان میں منشیات اسمگلنگ کے خلاف کارروائی کے دوران اعلیٰ معیار کی غیر ملکی شراب برآمد کر لی۔
کوسٹ گارڈز نے انٹیلی جنس ذرائع کی مصدقہ اطلاعات کی بنیاد پر بیلہ (اوتھل) اور گڈانی کے علاقوں سے 5 گاڑیوں میں لدی ہوئی 3,361 بوتلیں اعلیٰ کوالٹی کی غیر ملکی شراب برآمد کیں جو اندرون ملک اسمگل کی جا رہی تھی۔
پکڑی جانے والی شراب اور گاڑیوں کی عالمی مارکیٹ میں مالیت تقریباً 1,800 ڈالر بتائی گئی ہے۔ برآمد شدہ شراب کو قبضے میں لے کر قانونی کارروائی کا آغاز کر دیا گیا ہے۔
پاکستان کوسٹ گارڈز نے واضح کیا ہے کہ وہ منشیات اور ہر طرح کی اسمگلنگ کی روک تھام کرتے ہوئے ملکی معیشت کو مستحکم کرنے میں اپنا کردار جاری رکھے گی۔