نیشنل ٹی ٹوئنٹی کپ کے شائقین کے لیے ٹکٹوں کی تفصیلات اور خریداری کے طریقہ کار جاری کر دی گئی ہیں۔ شائقین اب پشاور کے ٹی سی ایس ایکسپریس سینٹرز سے ٹکٹیں خرید سکتے ہیں جن میں ٹی سی ایس ایریا آفس، ٹی سی ایس چارسدہ روڈ ایکسپریس سینٹر اور ٹی سی ایس کالج چوک ایکسپریس سینٹر شامل ہیں۔
ذرائع کے مطابق ہر شناختی کارڈ پر ایک دن کے میچز کے لیے زیادہ سے زیادہ پانچ ٹکٹیں خریدی جا سکتی ہیں۔ ٹورنامنٹ کے دوران عمران خان کرکٹ سٹیڈیم میں فیملیز کے لیے خصوصی وی آئی پی فیملی زون قائم کیا گیا ہے۔
گروپ اسٹیج کی ٹکٹوں کی قیمت کے وی آئی پی 150 روپے، پریمیم 100 روپے، وی وی آئی پی گیلری 600 اور 800 روپے، فیملی زون 200 اور 250 روپے ہو گی،سیمی فائنل وی آئی پی 300 روپے، پریمیم 200 روپے، وی وی آئی پی گیلری 1,000 روپے جبکہ فائنل کے لیے وی آئی پی 400 روپے، پریمیم 300 روپے، وی وی آئی پی گیلری 1,200 روپے ہو گی۔