پاکستان نے 8 سال کے طویل انتظار کے بعد ہاکی ورلڈ کپ کے لیے کوالیفائی کرلیا۔
ہاکی ورلڈ کپ کوالیفائر کے سیمی فائنل میں پاکستان نے سنسنی خیز مقابلے کے بعد جاپان کو 3 کے مقابلے میں 4 گول سے شکست دے کر میگا ایونٹ کے لیے جگہ بنا لی۔
پاکستان کی جانب سے عماد محمد، ابوبکر محمود، سفیان خان اور افراز نے ایک، ایک گول اسکور کیا۔ قومی ٹیم نے پہلے کوارٹر میں ایک جبکہ چوتھے کوارٹر میں تین گول کر کے شاندار کم بیک کیا۔
کامیابی کے بعد قومی کھلاڑیوں نے میدان میں سجدہ شکر ادا کیا اور فتح کا جشن منایا۔پاکستان ٹیم اب ہاکی ورلڈ کپ کوالیفائر کا فائنل انگلینڈ کے خلاف کھیلے گی۔