ٹی 20 ورلڈ کپ کے فائنل سے قبل بھارتی کرکٹ ٹیم نے احمد آباد میں قیام کے لیے ہوٹل بدل دیا جسے بھارتی میڈیا نے توہم پرستی اور وہم سے جوڑا ہے۔
میڈیا رپورٹس کے مطابق بھارتی ٹیم نے ورلڈ کپ 2023 کے فائنل میں شکست کے بعد اسی ہوٹل میں قیام نہ کرنے کا فیصلہ کیا ہے کیونکہ اس وقت بھارت کو آسٹریلیا کے ہاتھوں شکست کا سامنا کرنا پڑا تھا۔ بھارتی ٹیم کے اسپورٹ اسٹاف کے ایک رکن ہر وینیو پر ٹیم کی کامیابی کے لیے دعائیں کرتے ہیں اور بھارتی کرکٹ بورڈ اپنی ٹیم کی کامیابی کو یقینی بنانے کے لیے ہر ممکن سہولت فراہم کر رہا ہے۔
بھارتی میڈیا نے یہ بھی بتایا کہ سیمی فائنل سے قبل ممبئی میں ٹریننگ سیشن چاند گرہن کے اثرات سے محفوظ رہنے کے لیے 45 منٹ تاخیر سے شروع کیا گیا تاہم ہوٹل کی تبدیلی کے حوالے سے باضابطہ اعلان نہیں کیا گیا۔
مزید برآں احمد آباد کے وینیو پر بھارتی ٹیم ممکنہ طور پر ریڈ پچ پر فائنل کھیلے گی کیونکہ دو ہفتے قبل جنوبی افریقا کے خلاف ریڈ پچ پر شکست ہوئی تھی۔ بھارتی میڈیا کے مطابق، ممبئی میں سیمی فائنل میں ریڈ مٹی کی پچ پر بیٹنگ کامیاب رہی تھی اور احمد آباد کے وینیو کو بھارتی ٹیم کے لیے خوش قسمت قرار دیا جاتا ہے۔
یاد رہے کہ ٹی 20 ورلڈ کپ فائنل کل بھارت اور نیوزی لینڈ کے درمیان احمد آباد میں کھیلا جائے گا۔