پیٹرولیم مصنوعات کی قیمتوں میں اضافے کے باعث جامعہ کراچی نے طلبہ کی سہولت کے لیے اہم فیصلہ کر لیا ہے۔جامعہ کراچی کی انتظامیہ کے مطابق 9 مارچ سے رمضان المبارک کے اختتام تک صبح کی تمام کلاسز آن لائن منعقد کی جائیں گی۔
انتظامیہ کا کہنا ہے کہ یہ فیصلہ طلبہ کو درپیش ٹرانسپورٹ مسائل اور بڑھتے اخراجات کے پیش نظر کیا گیا ہے تاکہ طلبہ کو مشکلات کا سامنا نہ کرنا پڑے۔
اس حوالے سے وائس چانسلر کی منظوری کے بعد باقاعدہ نوٹیفکیشن بھی جاری کر دیا گیا ہے۔ نوٹیفکیشن کے مطابق 9 مارچ سے جامعہ کراچی کی تمام مارننگ کلاسز صرف آن لائن ہوں گی۔
یونیورسٹی انتظامیہ کا کہنا ہے کہ اس اقدام سے طلبہ کو رمضان المبارک کے دوران سفری مشکلات اور اخراجات سے بھی کچھ حد تک ریلیف ملے گا۔