پاکستان ہاکی ٹیم کے اعزاز میں قاہرہ میں پاکستان سفارت خانے میں تقریب کا انعقاد کیا گیا۔
وطن روانگی سے قبل قاہرہ میں پاکستان کے سفیر عامر شوکت نے ٹیم کو سفارت خانے مدعو کیا، پاکستانی سفیر عامر شوکت نے ہیڈ کوچ خواجہ جیند، کپتان عماد بٹ اور کھلاڑیوں کو ورلڈ کپ میں کوالیفائی کرنے پر مبارکباد دی۔
مصر میں پاکستان کے سفیر نے کہا کہ ورلڈ کپ کا ٹکٹ پاکر پاکستانی عوام کو آپ نے بڑا تحفہ دیا یے۔ انھوں نے کہا کہ آپ اسی جذبے کے ساتھ کھیلتے رہے تو جلد ورلڈ ہاکی میں کھویا ہوا مقام پالیں گے۔
ہیڈ کوچ خواجہ جنید نے پاکستان ٹیم کو سفارت خانے مدعو کرنے پر عامر شوکت کا شکریہ ادا کیا۔ خواجہ جنید نے کہا کہ پاکستان ٹیم کی پرفارمنس کا کریڈت پوری ٹیم کو جاتا ہے۔
کپتان عماد بٹ نے کہا کہ پرو لیگ اور ورلڈ کپ میں یہ لڑکے بہترین پرفارمنس دیں گے۔ پوری قوم کی بھرپور سپورٹ کی بدولت اللہ نے آٹھ سال بعد ورلڈ کپ میں جگہ دلائی۔