بھارتی کرکٹ ٹیم کے آل راونڈر ہاردیک پانڈیا نے آئی سی سی ٹی ٹوئنٹی ورلڈ کپ جیتنے کے بعد اپنی دوست کے ساتھ گراؤنڈ میں جشن منایا جس پر قانونی تنازع کھڑا ہو گیا۔
بھارتی میڈیا کے مطابق ہاردیک پانڈیا نے قومی جھنڈا جسم پر لپیٹ کر خاتون دوست مہیکا شرما کے ساتھ گراؤنڈ میں جشن منایا، جسے فحش عمل قرار دیا گیا۔ وکیل واجد خان نے پانڈیا کے خلاف نیشنل فلیگ ایکٹ 1971 کے تحت ایف آئی آر درج کرنے کی درخواست پونے پولیس میں دی۔
واجد خان کے مطابق ہاردیک پانڈیا کا یہ عمل قانون کی خلاف ورزی ہے اور قومی جھنڈے کے وقار کو ہر شہری کی ذمہ داری کے تحت برقرار رکھنا لازمی ہے۔ درخواست میں استدعا کی گئی کہ ہاردیک پانڈیا کے خلاف قانونی کارروائی کی جائے تاکہ قومی جھنڈے کی توہین پر سزا دی جا سکے۔