پاکستان سپر لیگ (پی ایس ایل) سیزن 11 کے ٹکٹس کی فروخت کل سے شروع ہوگی۔ شائقین ٹکٹس نجی کوریئر سروس کی ویب سائٹ کے ذریعے آن لائن خرید سکیں گے۔
ذرائع کے مطابق پی ایس ایل سیزن 11 کی ٹکٹوں کی قیمتیں کم سے کم رکھنے کی تجویز سامنے آئی ہے جس کے تحت کم از کم قیمت 300 روپے اور زیادہ سے زیادہ 5000 روپے ہونے کا امکان ہے۔
پی ایس ایل کے اس سیزن میں پہلی بار میچز 6 وینیوز پر کھیلے جائیں گے جبکہ دو نئی ٹیموں کے شامل ہونے کے بعد اب 8 ٹیموں کے درمیان شاندار مقابلے ہوں گے۔
پی ایس ایل سیزن 11 کا آغاز 26 مارچ کو لاہور سے ہوگا اور پہلا میچ دفاعی چیمپین لاہور قلندرز اور حیدرآباد کنگز کے درمیان کھیلا جائے گا۔
ٹکٹس کی آن لائن فروخت کے ذریعے شائقین آسانی سے اپنے پسندیدہ وینیوز اور ٹیموں کے میچ دیکھ سکیں گے۔