ہاکی کے شائقین کے لیے خوشخبری، ایف آئی ایچ ہاکی ورلڈ کپ 2026 کے گروپ مرحلے کے ڈراز کا باضابطہ اعلان کل نیدرلینڈز کے شہر ایمسٹرڈیم میں کیا جائے گا۔
ہاکی ورلڈ کپ 2026 کی میزبانی نیدرلینڈز اور بیلجیئم مشترکہ طور پر کریں گے۔ تقریب میں مرد اور خواتین کے ورلڈ کپ کے گروپس کا اعلان کیا جائے گا۔
مینز کے ہاکی ورلڈ کپ میں پاکستان سمیت کل 16 ٹیمیں حصہ لیں گی جبکہ ویمنز کے مقابلوں میں بھی 16 ٹیمیں ٹائٹل کے لیے مدِمقابل ہوں گی۔
ہاکی ورلڈ کپ کا انعقاد رواں سال 15 اگست سے 30 اگست تک ہوگا جس میں دنیا کی بہترین ٹیمیں اپنی صلاحیتوں کا مظاہرہ کریں گی۔