آسٹریلیا کے کھلاڑی پاکستان سپر لیگ کے گیارہویں ایڈیشن میں چھا گئے ہیں کیونکہ تین فرنچائزز کی کپتانی بھی آسٹریلین کھلاڑیوں کو سونپی گئی ہے۔
آسٹریلیا کے سابق اوپنر ڈیوڈ وارنر کراچی کنگز کی کپتانی کریں گے، ملتان سلطان کی نئی مینجمنٹ نے آسٹریلیا کے ایک اور کھلاڑی ایسٹن ٹرنر کو کپتان مقرر کیا ہے جبکہ حیدرآباد کنگز مین کی ٹیم نے بھی آسٹریلیا کے بیٹسمین مانس لبوشن کو کپتان بنا دیا ہے۔
پی ایس ایل 11 کی دیگرٹیموں کے کپتان پاکستانی کھلاڑی ہے جن میں اسلام یونائیٹڈ کی کپتانی شاداب خان کر رہے ہیں، قلندرز کی شاہین شاہ آفریدی کریں گے، کوئٹہ گلیڈی ایٹرز کی سعود شکیل کریں گے، محمد رضوان راولپنڈی ٹیم کی قیادت کریں گے اور پشاور زلمی کی قیادت بابر اعظم کریں گے۔
حیران کن بات یہ ہے کہ قومی ٹیم کے کپتان سلمان علی آغا کو فرنچائز نے کپتان مقرر نہیں کیا ہے جبکہ ان کو کراچی کنگز نے 5.85 کروڑز میں لیا ہے۔
پی ایس ایل 11 کا آغاز 26 مارچ سے ہوگا اور آن لائن ٹکٹس کی فروخت بھی شروع ہوگئی ہے۔ اس وقت پاکستان کرکٹ بورڈ کو سب سے بڑا درپیش مسئلہ یہ ہے کہ وہ کس طریقے سے سارے غیر ملکی کھلاڑی جو پی ایس ایل 11 میں کھیلیں گے ان کو باحفاظت پاکستان پہنچایا جائے۔ ایران امریکا اور اسرائیل کی جنگ کی وجہ سے پورے خطے میں ہوائی سفر بری طرح متاثر ہوا ہے۔