پاکستان کی ایک نجی جوس کمپنی نے پہلی بار جاپان کی مارکیٹ میں کامیاب انٹری کر لی ہے جہاں کمپنی کے فروٹ جوسز جاپان کے سخت معیار پر پورا اترنے میں کامیاب ہوئے ہیں۔
کمپنی کی جانب سے جاپان کو فروٹ جوس کی برآمد کا آغاز کیا گیا ہے اور اس موقع پر ٹوکیو کی معروف انٹرنیشنل سپر مارکیٹ نیشنل ازابو میں تعارفی تقریب بھی منعقد کی گئی۔
آل پاکستان فروٹ اینڈ ویجیٹبل ایکسپورٹرز ایسوسی ایشن کے مطابق جاپان فروٹ جوسز کی بڑی مارکیٹ ہے اور پاکستانی برانڈز کی یہ پہلی کامیاب انٹری ہے جس سے ملکی مصنوعات کو بین الاقوامی سطح پر پہچان ملنے کی توقع ہے۔