سرکاری اور نجی مالیاتی شعبے میں عید اور یومِ پاکستان کے موقع پر چار دن کے لیے چھٹیاں رکھی گئی ہیں۔ اس سلسلے میں اسٹیٹ بینک، پاکستان اسٹاک ایکسچینج، ایس ای سی پی، بینکوں اور دیگر مالیاتی اداروں نے اپنا شیڈول جاری کر دیا ہے۔
اعلامیے کے مطابق جمعہ اور ہفتہ، 20 اور 21 مارچ کو عید کی تعطیلات ہوں گی جبکہ اتوار کو ویکلی آف اور 23 مارچ کو یومِ پاکستان کے موقع پر بھی چھٹی ہوگی۔
اس کے بعد اسٹاک ایکسچینج میں منگل، 24 مارچ سے نارمل ٹریڈنگ اوقات کے مطابق کاروبار بحال ہوگا۔ اسی طرح اسٹیٹ بینک، بینک اور دیگر مالیاتی اداروں میں بھی 24 مارچ سے معمول کے اوقات کار بحال کیے جائیں گے۔