پیٹرولیم مصنوعات کی قیمتوں میں بڑے اضافے کی سمری وزیراعظم آفس کو موصول ہوگئی ہے۔
ذرائع کے مطابق پیٹرول کی قیمت میں 29 روپے فی لیٹر جبکہ ہائی اسپیڈ ڈیزل کی قیمت میں 49 روپے فی لیٹر اضافے کی تجویز دی گئی ہے۔ سمری پیٹرولیم ڈویژن کی جانب سے بھجوائی گئی ہے۔
ذرائع کا کہنا ہے کہ قیمتوں میں اضافے سے متعلق حتمی فیصلہ وزیراعظم شہباز شریف کل کریں گے، جس کے بعد نئی قیمتوں کا باضابطہ اعلان کیا جائے گا۔
ممکنہ اضافے کی صورت میں عوام پر مہنگائی کا مزید بوجھ پڑنے کا خدشہ ظاہر کیا جا رہا ہے۔