آل کراچی تاجر اتحاد کے چیئرمین عتیق میر نے کہا ہے کہ کراچی میں اس سال کا عید سیل سیزن ملکی تاریخ کا بدترین ثابت ہوا۔
ایک بیان میں انہوں نے بتایا کہ اس سال عید پر خریداری گزشتہ سال کے مقابلے میں 40 فیصد کم رہی۔ عتیق میر نے کہا کہ فروخت کے لیے گوداموں میں جمع کیے گئے 70 فیصد اسٹاک میں سے زیادہ تر فروخت نہ ہو سکا اور تاجروں نے رواں سال بمشکل 10 ارب روپے کا مال فروخت کیا۔
چیئرمین نے مزید کہا کہ مسلسل بڑھتی ہوئی مہنگائی نے عوام کے لیے تہوار کے موقع پر خریداری کو مشکل بنا دیا ہے۔