ملک بھر میں پیٹرولیم ڈیلرز نے 26 مارچ 2026 سے پیٹرول پمپس بند کرنے کا فیصلہ واپس لے لیا ہے۔
پی پی ڈی اے کے چیئرمین عبد السمیع خان کے مطابق ملکی حالات کے پیش نظر فی الحال پیٹرول پمپس بند نہیں کیے جائیں گے اور اس معاملے پر مزید غور کے بعد ہی کوئی حتمی فیصلہ کیا جائے گا۔
واضح رہے کہ قبل ازیں ڈیلرز نے مارجن میں اضافے کے لیے پیٹرول پمپس بند کرنے کا اعلان کیا تھا لیکن مارجن پر کام کرنا انتہائی مشکل ہونے کے باعث یہ فیصلہ مؤخر کر دیا گیا ہے۔
پیٹرولیم ڈیلرز کی جنرل باڈی اجلاس میں اس معاملے پر مزید اقدامات پر تبادلہ خیال کیا جائے گا تاکہ آئندہ حکمت عملی کا تعین کیا جا سکے۔