اسٹیٹ بینک آف پاکستان نے ضوابط کی سنگین خلاف ورزی پر 2 ایکسچینج کمپنیز کے لائسنس منسوخ کردیئے۔
اسٹیٹ بینک آف پاکستان کے نوٹیفکیشن کے مطابق ضوابطی ہدایات کی سنگین خلاف ورزی پر میسرز ڈریم ایکسچینج (پرائیویٹ) لمیٹڈ اور میسرز ال راج انٹرنیشنل ایکسچینج کمپنی (پرائیویٹ) لمیٹڈ کے اجازت نامے/ لائسنس فی الفور منسوخ کردیے گئے ہیں۔
لہٰذا، میسرز ڈریم ایکسچینج (پرائیویٹ) لمیٹڈ بشمول اس کا صدر دفتر اور منسلکہ شاخیں اور میسرز ال راج انٹرنیشنل ایکسچینج کمپنی (پرائیویٹ) لمیٹڈ بشمول اس کا صدر دفتر اور منسلکہ شاخیں زرمبادلہ سے متعلق کاروباری سرگرمیوں میں کسی طور حصہ نہیں لے سکتیں۔