پاکستان اسٹاک ایکسچینج میں آج دوسرے روز بھی کاروبار مثبت زون میں اختتام پذیر ہوا جہاں مارکیٹ میں دوران ٹریڈنگ 4600 پوائنٹس تک تیزی دیکھی گئی۔
ہنڈریڈ انڈیکس 4347 پوائنٹس بڑھ کر 158,313 پوائنٹس پر بند ہوا جبکہ مارکیٹ میں 154,000، 155,000، 156,000، 157,000 اور 158,000 پوائنٹس کی پانچ اہم حدیں بحال ہو گئی ہیں۔
مارکیٹ میں ٹیکنالوجی، سیمنٹ، آئل اینڈ گیس اور فرٹیلائزر کمپنیوں کے شیئرز میں سب سے زیادہ خریداری دیکھی گئی۔ آج مجموعی طور پر 61 کروڑ شیئرز کا کاروبار ہوا جس کی مالیت تقریباً 34.5 ارب روپے رہی۔
ادھر انٹر بینک میں امریکی ڈالر 1 پیسے سستا ہو کر 279 روپے 21 پیسے پر بند ہوا جبکہ اوپن مارکیٹ میں ڈالر 2 پیسے سستا ہوکر 280 روپے 25 پیسے پر آ گیا۔