عالمی سطح پر جنگی خدشات اور تیل کی قیمتوں میں اضافے کے باعث پاکستان اسٹاک ایکسچینج شدید مندی کا شکار رہی اور کاروبار کا اختتام بھی منفی زون میں ہوا۔
کاروبار کے دوران مارکیٹ میں شدید اتار چڑھاؤ دیکھا گیا جہاں ایک موقع پر ہنڈریڈ انڈیکس 7 ہزار سے زائد پوائنٹس تک گر گیا۔ ٹریڈنگ کے دوران انڈیکس 144,656 پوائنٹس کی کم ترین سطح تک بھی آ گیا۔
شدید دباؤ کے باعث مارکیٹ 151000، 150000، 149000، 148000 اور 147000 پوائنٹس کی اہم حدیں بھی برقرار نہ رکھ سکی۔
کاروبار کے اختتام پر ہنڈریڈ انڈیکس 4,864 پوائنٹس کی کمی کے ساتھ 146,843 پوائنٹس پر بند ہوا۔