خیبر میں فرنٹیئر روڈ پر دو فریقین کے درمیان فائرنگ کے تبادلے کے نتیجے میں پانچ افراد جاں بحق جبکہ دو زخمی ہو گئے۔
پولیس کے مطابق واقعے کے فوری بعد زخمیوں کو طبی امداد کے لیے پشاور منتقل کر دیا گیا جبکہ ملزمان موقع سے فرار ہونے میں کامیاب ہو گئے۔
ابتدائی تحقیقات کے مطابق فائرنگ کا واقعہ زمین کے تنازع کے باعث پیش آیا جس نے شدت اختیار کر لی۔
پولیس کا کہنا ہے کہ جاں بحق افراد کا تعلق پشاور سے ہے اور واقعے کی مکمل تحقیقات جاری ہیں، ملزمان کی گرفتاری کے لیے کارروائیاں بھی شروع کر دی گئی ہیں۔